Хийх арга:
Хүйтэн усанд угааж цэвэрлэсэн тахианы махаа давслаж хөргөнө. Хатаасан талхаа сүүнд дэвтэнэ. 4 ш өндөгөө болтол нь чансны дараа жижиглэн хэрчиж талхан дээрээ хийнэ. Дээрээс нь нэмж 2 түүхий өндөгөө холино. Цагаан мөөгөө хальснаас нь цэвэрлээд жижиглэн хэрчиж бага зэргийн тосонд шарж уг холимогон дээрээсээ хийнэ. Тахианы элгээ жижиглэн хэрчиж мөн хийнэ. Тахианы гуяны арьсыг нь махнаасаа бага зэрэг салгаж холимогоо дотор нь хийнэ. Багтахгүй үлдсэнийг нь тэвшинд гуяны хажуугаар хийж болно. Тэвшинд эдгээрээ өрөөд тугалган цаасаар тэвшээ бүрж 150 хэмд 1 цаг гаруй шарна. Дараа нь тугалган цаасаа авч 180 хэмд 20 гаруй минут махаа улаан шаргал болтол нь шарна.
Төмсийн нухаш хачиртай идэж болно.